Ehsaas!!

Wrote few years back...

1.
Toh kya hua, jo door hai tu,
Yeh hawa toh hai,
jo tujhko chookar, teri khushboo lekar,
aati hai mere paas,
yeh ehsaas dilane ko,
ki koi hai, jo bekaraar hai,
tuhse milne ko, tujhme gum ho jane ko,
bas isi hawa ki nami me,
apne aansu milakar piye jaa rahe hain,
bas kisi tarah jiye jaa rahe hain!!!!

2.
Toh kya hua, jo saamne nahi tu,
meri palkein, meri aankhein toh hain,
jo mil jaati hain har pal,
taki tu nazar aa jaye,
do boondon ki dor tujhko,
rok leti hain in aankhon me,
kaash hamesha ke liye tu inme,
samaa jaye, mere paas aajaye,
bas isi umeed ki dor se baandh apna mann,
khwaabon ke aasmaa me liye jaa rahe hain,
bas kisi tarah jiye jaa rahe hain!!!!

3.
Toh kya hua jo teri boli,
nahi sun paate har lamha,
mera dil,
meri dhadkan toh hai,
jo dhadakti hai tere ishaaron pe,
bolti teri zubaan, gaati tere geet hai,
bas isi ki baatein sunte, isi se baatein kiye jaa rahe hain,
bas kisi tarah jiye jaa rahe hain!!!!

4.
Toh kya hua jo nahi sun paate,
tere komal pairon ki aahat in dino,
ek aarzoo toh hai,
ki aaogi tum kisi din,
mere dil ke aangan me paayal chankaati,
ki dekhogi aankhon me, tum kisi din,
apni gehri nazron se meri,
ki rakh kar soyogi kisi din,
kaandhein pe mere, sir apna,
ki dil se dil milenge, kisi din,
haathon me haath honge,
ki har waqt badhega pyaar kisi din,
kabhi kam na hoga,
ki har khushi hogi kisi din,
hamare kadmo me, kabhi gam na hoga,
ki bas tum hogi kisi din,
aur main, koi teesra na hoga,
aur tum ho jaogi, kisi din,
meri, bas meri aur sirf meri...
us din ka hi intezaar kiye ja rahe hain,
bas isi tarah jiye jaa rhe hain..!!!!!